Висока делегација од Универзитетот за туризам и менаџмент Скопје, во состав Проф. Д-р Мијалче Ѓоргиевски, Проф. Д-р Сашо Кожухаров, Проф. Д-р Зоран Ивановски и Проф. Д-р Александра Стоилковска на 26 и 27 мај 2013-та, учествуваа на семинарот со наслов „Одржливиот туризам на копнените водени дестинации“, што се одржа во Белград, во организација на Светската туристичка организација на Обединетите Нации - UNWTO, Министерството за финансии и економија на Република Србија и Туристичката федерација на Република Србија.

На семинарот учествуваа над 200 учесници, меѓу кои и високи претставници на Влади на поголем број земји, односно министри, заменици министри, државни секретари, потоа претставници на академската и бизнис заедницата, односно од економијата, финансиите и туризамот, како и најодговорните челници на националните туристички заедници.

Самиот собир покрај презентациите на најновите и најдобрите туристички практики во светот, промовираше и сосема нов тренд на организирање на научни настани. За прв пат беше применета иновативната промоција на новиот модус на одржување на научни конференции на крстарење, што овој пат беше по Дунав, односно од Белград до Ѓердап, во времетраење од два дена.
На маргините на Симпозиумот, претставниците на УТМС одржаа бројни одделни средби со највисоките претставници на институциите и организациите, присутни на овој собир, меѓу кои и со

Генералниот секретар на UNWTO Г-дин Талеб Рифаи, ЦЕО на Туристичкиот сојуз на Германија Г-ѓа Петра Хедорфер, Г-дин Џианг Ши, претставник на Кина во UNWTO во Мадрид, Државниот секретар за економија и финансии Г-дин Горан Петковиќ и многу други.

Особено беше важна средбата со професори од Универзитетот во Белград со кои УТМС планира воспоставување на едукативна соработка. На состаноците генерално беа усогласени и координирани поголем број на стратешки и оперативни прашања од интерес на Универзитетот.

Голем дел од учесниците го потврдија своето учество на третиот меѓународен научен конгрес на УТМС- ICONBEST 2013, што ќе се одржи наесен во Скопје.