Основната цел на вториот циклус студии по Финансии е создавање на високо квалификувани кадри подготвени за раководни позиции во финансискиот сектор. Програмата обезбедува напредно образование, развој на критичко размислување, аналитичка обработка на финансиски податоци и донесување на стратешки одлуки во бизниси, јавни институции и финансиски организации, на национално и меѓународно ниво.

Со оглед на зголемените потреби за финансиски експерти поради глобалните трендови, програмата нуди специјализирано образование за решавање комплексни финансиски предизвици и учество во процесите на финансиско управување. Пазарната анализа покажува дека финансиските институции (банки, осигурителни компании, инвестициски фондови) бараат кадри со напредни аналитички и истражувачки способности, како и познавање на регулативи и политики.

Програмата е дизајнирана да ги задоволи овие потреби преку современа содржина која опфаќа корпоративни финансии, монетарни и фискални политики, инвестициони стратегии и менаџмент концепти. Програмата е усогласена со европските стандарди за високо образование и овозможува мобилност преку размена со реномирани универзитети и соработка со меѓународни институции.

Вториот циклус студии по Финансии на Економскиот факултет при Универзитетот Скопје нуди современо, конкурентно и пазарно релевантно образование кое ги подготвува студентите да станат лидери во финансискиот сектор и активни чинители во економскиот развој на земјата и регионот.

Програма 2021/2022