Согласно годишната програма за работа на УТМС и подигањето на нивото на знаења, вештини и компетенции на студентите, а се во функција на активно учество и креирање на прагматичното вклучување во монетарната и фискалната сфера, студентите од Економскиот факултет минатата недела, имаа можност активно да се вклучат во кварталната сесија на Клубот на истражувачите на Народната банка на Република Македонија.

Студентите од Економскиот факултет од УТМС при посетата на Народната Банка на Република Македонија, имаа можност да забележат како се разработуваат концепциски и оперативно суштините на ефектите од глобалната криза врз Македонија, како и фискалната политика и нејзиното влијание врз економијата.

По завршувањето на активностите, беше договорено следната сесија на Клубот на истражувачите на Народната банка на Република Македонија да се одржи во просториите на Универзитетот за туризам и менаџмент.