Универзитетот за туризам и менаџмент од Скопје на 22.12.2015 во просториите на УТМС одржа обука на тема „Бизнисот и економијата – перспективи во современи услови на стопанисување“, на која присуствуваа 120 матуранти од гимназиските паралелки и дел од професорскиот кадар на СГГУГС „Здравко Цветковски“ од Скопје.

Обуката, преку УТМС Ценатарот за кариера, ја спроведоа Деканот на Економскиот Факултет, Проф. д-р Сашо Кожухаров и Деканот на факултетот за претприемачки бизнис Доц. д-р Наташа Ристевска.

Матурантите од „Здравко Цветковски“ следејќи ја активно обуката се стекнаа со прецизно и темелно познавање на актуелни теми поврзани со бизнис трендовите, макроекомија, микроекономија и претприемништво и добија јасен увид во пристапот на учење и методологијата на УТМС.

Оваа обука како дел од активностите на Центарот за кариера на УТМС ги вмрежи матурантите со професорскиот кадар, градејќи основ за следна соработка како и академска и професионална надградба.